Allahr toiyari (Allah’s Creation)

 

Word Allah in Arabic

Word Allah in Arabic

ALLAHR TOYARI (Allah’s Creation)

Hana sára cúndoijja asman, gorom ola beil, foór óla san, jílimmilíng (miçíng miçíng) gorérde asman or tara ókkol hone banaiyé?

Zobin or uore boiyar, boiyar or uore miyúla, miyúla ókkol ór zór, zór or uore bijili, bijili ókkol ór cóçak ókkol hone banaiyé?

Fúainna zobin, mur mur doriya, usol usol faár, doriyar zuar báça ókkol honé banaiyé?

Hala rañga manúic, gura burá manúic, morot fuain miala fuain, sori háde janwar, uri háde janwar, dóri háde janwar, doriyar mas, nanan dhoilla lok fuk ókkol hone banaiyé?

Kérkúça, tottaza háil gas, boro boro gas, nanan dhoilla rong or fúl, ar hóro miçá roc ola gulagala ókkol honé banaiyé?

Iín jiníc beggín Allah ye banaiye de (Allahr toyari). Zibá bicí boro mehérban ar fura kaayenat or maalek. Íba yé beggún óre fale ar rizik de. Íba yé ziañta goré ar íba yé moot goré. Banoya yó íba, ar báñgoya yó íba. Íba age yó hámica aiccíl, ehón ó asé, ar sárme yó hámica tákibou.
Íba óilde ALLAH

Lékoya: Citizen of Arakan (Bormá, Aikkaf [Akyab], Nazir Fara). 
        Father of Rohingyalish. Eng. Mohammed Siddique [UK]