Allahr Cúkuria Goró (Thanks to Allah)

FB_IMG_1459187791134

ALLAHR CÚKURIA GORÓ

29 tarík Maarec 2016

Hózorot Muúsa nobi aláihísalam ór zobanat mazé át arde théng sará cúde madala gán aséde uggwá manúic aiccíl. Ek din hózorot Muúsa Allahr loi súwal juwab gorí bélla, dola óitou zar dé cómot, át théng sára madala manúic cwá yé loot faiyé. Muúsa ré madala manúic cwá yé hoór dé, ái Muúsa, tuñí Allahr loi dola óile, añár torfóttu ekkán súwal goijjó naa. Muúsa ye hoórde ki súwal goittám hoó naa. Madala manúic cwá yé hoórde, añár tú át o nái, ar théng o nái. Allah yé añáre hon hazollá banai yé de ekkená fusár gorí saiyó naa. Muúsa yé hoórde aññí Allahr loi dola óile fusár goijjóum éen hoói giyói.

Zehón Muúsa Allahr loi dola óiye Allah ré hoórde, ái Allah, aññí áñçi aiyír dé cómot uggwá maincé añáre ekkán súwal fusár goittóu hoiyé. Manúic íbar tú át o nái ar théng o nái, cúde madala gán aséde. Túñi manúic íba ré hon hazor lá banai yó de bóle?

Allah ye Muúsa ré juwab dilóu, jáhannam ot mazé  uggwá hana asé. É hana íba óilde át, théng sára madala manúic. Íba ré loi hana yían naçi bélla banai yí boli hoiyó. Muúsa waapes aiyér dé cómot madala manúic cwá yé abbar loot faiyé. Fusár goillóu, Muúsa ré, ái Muúsa, añár súwal ór juwab ki dilóu Allah ye. Muúsa ye hoórde Allah ye tuáñré bóle jáhannam ot uggwá hana asé, é hana wá naçi bélla tuáñre ré banai yé de.

Éen cómot madala manúic cwá Allahr bicí cúkuria goillóu, aró hoórde aññí tó uggwá madala manúic át théng sára. Allah ye añáre behazor banai yé bóli kíyal goijjílam. Ái Allah, tuñí añáre jáhannam or hana naçi bélla banai yó de óile yo, añáre hazollá banai yó dé yían buzí fari (Alhámdulillá)FB_IMG_1459170073983 añár tú bicí kúci laiggé ar tuñár becá bicí cúkuria. Éen hoói Allahr cúkuria goijjé.

Allah arcóttu táai, madala manuíc cwá cúkuria goijjé dé fúni bicí kúci óiye. Allah ye hoórde aññí toré át o nóo di, ar théng ó nóodi, duniyait mazé cúde madala gán loi defeçáiyi de, ar añár madala yián ki hazot gólibou fusár goijjós árr Aññí jáhannam or hana naçi bélla banai yí yó hoiyí. Tarfore yó tui, aññí Allahr, cúkuria goijjós. Aññi tor loi razi óiyi, añáre cúkuria goijjós dé yían ór bodolat, Aññí tore át arde théng boccíc goillám. Madala manúic íbar tú át arde théng aái giyói ar borabor manúic ókkol ór dhóilla gom manúic ói giyói.

Tóile añárattu báfoon saá, uggwá át théng sára manúic é Allahr cúkuria goijjé dé ótolla, Allah ye niyamot barái diyé. Tóile aññí arde tuñí zodi Allahr cúkuria gorí Allah ye añáre arde tuáñre yó niyamot barái dibou.

Lekóya: Citizen of Arakan (Bormá, Aikkab, Nazir Fara)  
        Father of Rohingyalish. Eng. Mohammed Siddique (UK)