Uggwá bekuf manúic [ The Foolish Man]

IMG_20160304_225110

UGGWÁ BEKUF MANUÍC  [ The Foolish Man]

႐ိုဟင္ဂ်ာ စာျဖင့္ ေရးထားသည့္ “ငတံုးတစ္ေယာက္´´ပံုျပင္

Agor zobanat mazé uggwá bekuf manúic aiccíl. Ek din manúic íba ham gorí, gór ót aibár cóme, cúnar oóñçí (anthí) uggwá kini ainné. Gór ot aái baade beçi ré hoórde aññí tor lá cúnar oóñçí uggwá kini ainní. Beçi ye hoórde añáre ekká doóna, ouñl ot di saái. Añár tú aijja bicí kúci lager. Baade, beça ye hoórde, tui suk háçi ták, aññí tor ouñl ot gólai di. Beçi ye hoórde, noó añáre do. Beça ye hoórde, noó aññí tor ouñl ot gólai di. Éen goitté goitté, súla súla di yóre, cúnar oóñçí wá tozzar cér ottu goli giyói.

Baade, beça ye uñír ót tole cúnar oóñçí íba tuai tóu gíye. Raitta dé ótolla uñír ót tole bicí añdár. Cúnar oóñçí íba tuai nofar. Baade, beça ye mone mone báfer de, uñir ót tole bicí añdár. Oóñçí ibá eçé tuai no faiyóum. Rasta hañsa, hámbar battir foór aséde éçe, zai tuai lé faiyoum, éen hoói rasta hañsar battir foór ót zai yóre, cúnar oóñçí íba tuar.

Éen cómot uggwá manúic rastat tú áñçi aiyér. Manúic íba yé beça ibá ré hoórde, tui ki tuwór de? Beça ibá yé hoórde, cúnar oóñçí tuair de. Baade manúic íba ye hoórde tui cúnar oóñçí hoçé áñzai yos? Beça ibá yé hoórde uñir ót tole áñzai yi dé. Baade, manuíc íba yé hoórde tui cúnar oóñçí áñzai yos dé uñir ót tóle, tuwór dé rasta hañsa battir foór ót. Tui oóñçí íba honó din tuai no faibí . Ar tor díkka bekuf manúic duniyai yián ót ar no táaibou.

Lekóya: ေရးသားသူ...... စီတီဇိန္ ေအာဖ့္ အာရ္ကာန္
Citizen of Arakan, Bormá [Aikkab, Nazir Fara]
Father of Rohingyalish, Eng.Mohammed Siddique(UK)