Amm (Mango)

Amm ókkol

mango-2Amm oré gorom zaga ókkol ót, loot faaza. Thándha zagat amm noó. Amm or cokól boóut dhóilla óifare, gul, lamba, gulguilla, lambaicca kisím kisím asé. Amm uggwá 5 ottú 15 santi foijjonto lamba óitfare ar uzón ót mazé 150 to 750 gerem foijjonto bór óitfare.

Amm or baár ór sam óilde telteilla. Amm or rong dasé kessa óile háil, ar foona óile cúnar rong, yá óloiddá óitfare. Amm or gusso óilde roc ola miçá, mogor kessú amm hóro óitfare, beec híssa keñsa óde óile.

Amm ot mazé boóut fáaida ókkol asé. Amm háile fuñdor añtit gáa yá kensar biaram ókkol noó. Morot fuain dórtu, cúnar sóot máze kensár noó. Ar lou hóraf biaram noó, ziyán ór dura maincórtu bicí gáa feñsara arde uñtani biaram ókkol ó. Amm ot Vitamin A asé, ótolla amm háile, gaat mazá gáa fesara ókkol noóibou. Ar suk ólla yó bicí zoruri lage.

mango-896180_960_720Ar, amm ot Putasiem arde Sudiem aséde ótolla kolób ólla bicí bála, lou wór frecar bicí noóibou ar lou solasol bála óibou. Aro, Vitamin B6, Vitamin C arde E aséde ótolla gaat ocúk hom óibou.

Lékin, siní biaram ólla amm háile gom noó, gaa’llá nuksan goré. Noóile amm dasé bicí gom jiníc.

 

By Eng. Mohammed Siddique, London, UK