Jun 3 tarík 2012 añára no foóráiyoum (We can’t forget 3rd of Jun)

AÑÁRA NO FOÓRÁIYOUM
3 TARÍK JUN  2012
The 3rd of Jun 2012

Posted on 3th June 2016

Añçáic (28) tarík ká Mee mác Dui-házar-baró (2012), uggwá Mok ór miala fua ré mari félai yé hoói elzam lagai, Musúlmán é bolazuri zulúm goijjé hoói, rasta rasta habos baça cúru goijjé. Ziyán ólla Arakan or zobin ot bicí boro fózzad uggwá óiye.

Untic (29) tarík ká din Mee dui-házar-baró (2012),  tin nwá Musúlmán ór fua ré miala fua wá ré mari félaiye hoói dóri félaiye. Tará ré bolazuri ekerar gorábái, tiríc (30) tarík ká Keppurur (Kyawk Pyu) ziyól ót loi giyói.

FB_IMG_1464898118674

Tin (3) tarík Jun, Ze din óre Bormár Musúlmán é foórai no faríbóu. Arakan or fottí kuna kunat Ruáinga arde Musúlmán óre haçi/mari bélla Mok é tuar cúru goijjé. Uggwá toblig or jomáat zibá Rengun ottú ek cilla loi aiccé, cilla íba fúrai waapes Rengun ot zargói dé woktót, taráre Toungú’t dóri endila berahámir sáñte mari félaiye dé, hoón becá bicí afsús ar dukkór hotá.

Só (6) tarík Jun, Rengun ot Musúlmán é mili hórotal uggwá goijjé, hókumot óre yián zanai bélla, zodi miala fua wá ré Musúlmán é mari félaiye de ó, tará ré sáñza doon saá. Éndila, Tongút ót mari félaiye de. doc cwá maincór bisar ó añára saái.

Añctho (8) tarík Jun, Jumár din Mongdhúr Jumá Mosóid ót, Mongdhúr kuna kuna zagar tú aái cóhid gorí félaiye de ítarar lá dua goittóu manúic zoma óiye. É woktót ó, kessú Mok ór fuain dé, Mok óre marer hoói fulic matai hoijja ekkán tulí,  arek motto yó fózzat yían cúru goijjé.

No (9) tarík Jun, Aikkab ot gór okkól furadiya cúru goijjé. Maramari zibá Mongdhút óiye íba Aikkab ot farái giyói. Zeçé jan arde mal or lussan ókkol óiye.

Doc (10) tarík Jun, Bormár hókumot óttu zoruri hókum di yóre, Bormár raza (U Thein Sin) é Bormár telivicén (TV) óttu hoór de, Arakan or zobin ót mazé añára zoruri hókum neelai diyí, eçé zodi thaim or baade honó kiyé neela góla goré, tarár lá soktó sáñza asé.

FB_IMG_1464898141236Tóile, Mok ókkol é Ruáinga ré fiçi bélla ar mari bélla tuar dé woktót mazé, doc zon toblig or manúic óre, lootfai marí félai yé dé, Jun or tin tarík Dui-házar-baró, (3rd Jun 2012), din íba ré añárar tú no foórai, kiyamo foijjonto yaad rakóon saá. Añára honó din, no foórai yóum, ar yaad raikíyoum dé din.

          Jun or tin tarík dui-házar-barór yiad gari (3rd Jun 2012)
       Lekóya: Citizen of Arakan (Bormá, Aikkab, Nazir Fara)