Rohingya Zuban


Assolamu Aláikum.

Aijja boóut bosór age, añí no kláss ót forídde thaim ot,
ekzon e añáre, Yaasín Súurar kitab uggwá diíl.

Añí kitab íba fottídin foittám.
Lékin ekdin báfir de, Yaasín Súura hóde íba, Quran or kolób.

Añí íbar maáni zaintam keén gom laaitóu.
Maáni no zanír dé ótolla, dil ot mazé, bicí ferecani laiggé.

Lékin dil ot mazé endila ekkán ereda goijjíde,
zodi añáre Allah ye honódin mouka de,
añí Yaasín Súura íba ré maáni báñgi, kitab banai,
manúic beggún ór hañsé, fóilai youm.

Boóut bosór baade Allah ye añár dil or hotá kobul goijjé.
Ar Allah ye añáre cókti diyé,
Yaasín Súura ibá ré, kitab banai, maincóre dibellá.

Fúañti añáre, nizor zuban ó, banai bélla cókti diyé,
ze zuban ot, añí Yasín Súura ré, torjuma gorí faijjí.
Ze zuban nwá ré, aijja duniyai beggúla, mani loiyé.
Ar, duniyai beggúla estemal gorér,
Ar, Rohingya báiyain beggún é íbar tú fáaida far.

Waáheru Daawána.
Assolamu Aláikum.
Eng. Mohammed Siddique
London, UK

Note: supported sound file formats are: .mp3, .m4a, .ogg, or .wav
%d bloggers like this: