Rohingyalish – Page 9 – Rohingya Language Foundation

Iman or Taalim ( Teaching of Beliefs)

March 1, 2016

IMAN OR TAALIM (Teaching of beliefs) Súwal ။ ။ Ho wán cis or uore Islám bone? Juwab ။ ။ Fañs (5) sán cis or uore Islám bone. Súwal ။ ။ Islám bone de fañs (5) sán cis íin ki ki? Juwab ။ ။ Islám bone de fañs (5) sán cis íin óilde: Kolma toiyuba (noóile) Kolma cahadót óre zuban e sóiyi gorí foróon, tar maáni ré buzí dil e biccác goróon. Numás foróon. Zokaát doon. Romzan córif (mac) ót ruza rakóon. Hójj goróon. Súwal ။ ။ Kolma toyuba hoóde íba ki ar íbar maáni […]

Numás ór bútore ar baáre teró (13) wán fóroz (Thirteen obligatory in prayer)

February 29, 2016

No Comments

NUMÁS ÓR BÚTORE AR BAÁRE TERÓ (13) WÁN FÓROZ Numás ór bútore ar baáre teró wán fóroz asé. Baáre háñt tan. Bútore só wan. Numás ót mazé teró wán fóroz óttu ekkán una óile numás no óibou. Ótolla teró (13) wán fóroz cíkoon zoruri, zanoon zoruri, ar manoon zoruri. Baáre háñt (7) tan fóroz óilde. [1] Gaa fak óon. [2] Hoór fak óon. [3] Numás ór zaga fak óon. [4] Sotór(gaa) gúroon. [5] Woktó loi foróon. [6] Kiblar íkka muu di tíyoon [Bormát óile fosím míkka muu do, Misír ót óile fuk mikká, dec loi forók]. [7] Ze woktót é […]

Allahr toiyari (Allah’s Creation)

February 28, 2016

No Comments

ALLAHR TOYARI (Allah’s Creation) Hana sára cúndoijja asman, gorom ola beil, foór óla san, jílimmilíng (miçíng miçíng) gorérde asman or tara ókkol hone banaiyé? Zobin or uore boiyar, boiyar or uore miyúla, miyúla ókkol ór zór, zór or uore bijili, bijili ókkol ór cóçak ókkol hone banaiyé? Fúainna zobin, mur mur doriya, usol usol faár, doriyar zuar báça ókkol honé banaiyé? Hala rañga manúic, gura burá manúic, morot fuain miala fuain, sori háde janwar, uri háde janwar, dóri háde janwar, doriyar mas, nanan dhoilla lok fuk ókkol hone banaiyé? Kérkúça, tottaza háil gas, boro boro gas, nanan dhoilla rong or […]

Ek din e fañs (5) woktó numás (Five times prayer)

February 27, 2016

No Comments

ရိုဟင္ဂ်ာ စာျဖင့္ ေရးသားထားသည့္ “တစ္ေန႔နာမာဇ္ငါးႀကိမ္” EK DIN E FAÑS WOKTÓ NUMÁS Añára Musúlman. Musúlman ór dórmor nam óilde Islám. Islám ót ek din e fañs woktó numás forí bélla zoruri (fóroz). (1) Fózor ór numás (2) Zuúñr ór numás (3) Asór ór numás (4) Mogorib or numás (5) Ecár ór numás [1] Fózor ór numás ót dui niyot sair rahát. Ek niyot dui rahát súnnot (No cúçiyo). Ek niyot dui rahát fóroz (hámaka forá foribóu). [2] Zuúñr ór numás ót sair niyot baró rohát. Ek niyot sair rahát súnnot (No cúçoon saá) Ek niyot sair rahát fóroz […]

Hózorot Muúsar Dorhás Allahr Dorbar ot (Musa’s request to Allah)

No Comments

႐ိုဟင္ဂ်ာစာျဖင့္ ေရးသားထားသည့္ “ဟာဒီစ္း´´ၾသဝါဒ HÓZOROT MUUSÁR DORHÁS ALLAHR DORBAR OT (Hadís) Hózorot Muusá (nobi) ye Allah ré hoórde, Óu Allah, duniyia yián ót sair gán jiníc tákitou, ar sair gán jiníc no tákitou, bicí bála óitou. Én hoói Allah ré dorhás goijjé. [1] Hóyat táki, moot no tákitou bóuli [2] Jonnot táki, jáhannam no tákitou bóuli [3] Tuanggori táki, goribi no tákitou bóuli [4] Aramiyot táki, biaram no tákitou bóuli Én thaim ót gaib ottú awas ayér dé. (1) Zodi moot no tákitou, Allah loi dola óibar acá no tákitou. (2) Zodi jáhannam no tákitou, Aññí, Allah ré kiyé no dhorai tóu. (3) Zodi goribi […]

Tuta boro bái arde cóñço bái (Parrots – younger & elder brother)

February 26, 2016

No Comments

ရိုဟင္ဂ်ာ စာျဖင့္ ေရးသားထားသည့္ “ေက်းညီေနာင္” ပံုျပင္ TUTA BORO BÁI ARDÉ CÓÑÇO BÁI Agor zobanat mazé uggwá gas ót duwá tuta táaitou. Tará dunú zon bái bái. Ítarattú fóuir beggín noó uçé dé ótolla uri no farér. Ek dinná tuwán aái taráre urai loi giyói. Uggwá tuta sur ókkol aséde zagat foijjégói. Sur ókkol é ítare feñçai loizai, fali yoré raikké. Ar uggwá tuta bála manuíc (tobi) ókkol aséde zagat foijjégói. Ítare tobi ókkol é feñçai loizai, fali yóre raikké. Ar ek din uggwá baaccá kélai tóu nioillé dé éçe, óran ói sur ókkol ór farar dháke, gas ór sáabat ziraiyé gói. […]

Maabaf or uore fuain dór zimma (Responsibility over parents)

February 24, 2016

No Comments

MAABAF OR UORE FUAIN DÓR ZIMMA မိဘႏွစ္ပါးအေပၚထားရွိရမည့္ သားသမီးဝတၲရ Maabaf ollá hána fína cómo mozin zuu gorídoon. Maabaf or háñzoni fiñdóni cómo mozin zuu gorídoon. Maabaf or cónço boro zorurot oré badnodi fura goróon. Maabaf e matailé (dhakilé) cómo mozin foóñsoon. Maabaf oré honó cóm e úf hoói údda waapes kessú nohóon. Maabaf oré nam dóri no dhakoon. Nizorlá ziyán fosón maabaf ollá yó yían fosón goróon. Nizorlá ziyán nafosón maabaf ollá yó yían nafosón goróon. Córiyot ór uldha noó dé maabaf or fottí hókum óre manoon. Maabaf or fúañti honómikka zailé age age no áñçoon. Maabaf moroon or baade guná maf ói bólla Allahr hañsé hámica dua goróon. ခက္ဆစ္အဓိပၸါယ္ […]

Fan háile hótara ó (Danger in eating betel)

February 23, 2016

No Comments

FAN HÁILE HÓTORA Ó ကြမ္းစားျခင္း အနၲရာယ္ Agor zobanat mazé burá burí ókkol é fan háitou. Lékin hom. Ehón ór zobanat añárar dec ót gura, burá arde hoicca beggún é fan há. Fan ot mazé sóudi, súari, háda arde dec bidec ottú niolerdé séen maijja hádar guri (séemúng) ókkol di yóre há. Daktor ókkol é fan nohái bélla maná yó goré. Fan hóon ór zoriya maincór zindigi ré hótora goré ar biaram óde óttolla. Hámicá háda di ar séemúng di fan hóon or zoriya gurudár biaram, lou uçé dé biaram, dat or marír kensar, galsabar kensar, golar kensar ar dhoilla bodhoilla aram […]

Rohingya Dialect Anak Shaur (Western) to Rohang Shaur (Eastern) 01

No Comments

Anak Shaur Rohang Shaur añí ayír mui ahóon añí ayí mui ahóng añí aáitam mui ahítung aní aiccúm mui ahím añí háiyum mui khéim añí háir mui khóon añí háiyi mui khéiyong añí hái mui khóng añí goijjí mui gårjóng añí goijjúm mui gårím añí gorír mui gåróon añí gorí mui gåróng añí buzí mui bužóng añí buizzí mui bužžóng añí buzír mui bužóon añí buizzúm mui bužím

Uggwá kurár andha (What a chicken egg can do?)

February 22, 2016

No Comments

UGGWÁ KURÁR ANDHA Añár nam Ajis Kamal. Añár boc háñt bosór. Aññí Aikkaf (Akyab) Nazi Farat mazé tákitam. 2012 cón ot Mogh ókkol é Musúlman ór gór ókkol furat diíl dé éçe añárar gór ó furi giyói. Añára ehón Dhebaing ot dukkíta (refúji) boni táki. Añáre ekdin ná, añár sañsi kúllamaa yé uggwá andha diyé. Andha íba loi aññi báfir keén goillé gom óibou bóuli. Asimbit añár báfat ayérde andha ibá aññí no háiyoum. Andha ibá um ót diyoum. Uggwá kurár só óibou. Kurár só íba dhoóñr óile kurár zák óibou. Kurár zák íin besi uggwá sóol loiyoum. Sóol íba […]